” هخلي شيرين تديكي بالجزمة ” .. فنانة مصرية شهيرة تكشف عن تعرضها لهجوم وانتقادات بسبب تعليقها على أزمة شيرين عبد الوهاب

58

كشفت الفنانة ” ميار الببلاوي ” عن تعرضها لانتقادات بسبب تصريحاتها الأخيرة عن الفنانة ” شيرين عبد الوهاب ” وأزمتها مع زوجها السابق ” حسام حبيب ” وتأثير ذلك على حالتها النفسية وزيادة وزنها والنصائح التي وجهتها لها .

وأكدت ميار الببلاوي في مداخلة هاتفية لبرنامج (خط أحمر) على أنها لم تقصد بهذه التصريحات تصدر التريند أو غيره وإنما كانت ترغب في دعم شيرين عبد الوهاب ولكن قد يكون خانها التعبير .

وتابعت :” النهاردة في برنامجي على الهوا الشيخ قالي إن ده يعتبر نوع من الغيبة فأنا والله اتصدمت وانهارت جدا وقعدت استغفر ربنا ويمكن اطلع عمرة قريب جدا بس عشان استغفر على الموضوع ده ” .

وأضافت ميار : ” الشيخ قالي المفروض إن إنتي معاكي دكتوراه في الفقه وفاهمة كويس إنه مينفعش نتكلم عن الناس أو نتنمر عليهم بس والله ربنا أعلم بنيتي وإن أنا كنت برد دين، كنت في وقت من الأوقات صغيرة ومعايا إبني ومطلقة ومنهارة ولسه لابسة الحجاب جديد ” .

وواصلت : ” واحدة قعدت جنبي في المسجد قالتلي بالظبط الكام كلمة اللي أنا قولتهم لشيرين وفرقوا في حياتي كلها وكل ما اجي أقع افتكر الكلمة دي لما قالتلي بصتك في إبنك بالدنيا عشان كده أنا عايزة شيرين تقف على رجليها ” .

وعلقت ميار الببلاوي على الفنان حسام حبيب قائلة : ” هو عايش وبيشوف حياته ومستمتع وبيهيص وبيفرح وبيضحك وهي منهارة ومتدمرة وبتتعالج نفسيا وبتاخد أدوية اكتئاب ووزنها يزيد ومش مهتمة بنفسها وكل التفاصيل دي ” .

وقالت عن تداعيات تصريحاتها : ” أنا نصحت لإني مسلمة، أنا مش خبيثة .. النصيحة قلبت عليا الدنيا وناس دعت عليا وجتلي مكالمات دولية واحدة بتكلمني شتمتني شتايم قذرة جدا وتقولي هخلي شيرين تديكي بالجزمة وعمري في حياتي ما اتشتمت بالطريقة دي ” .

شاهد ايضا  فيفي عبده تقرر “نقل خبرتها” للفتيات في سلسلة مقاطع مصورة (شاهد)

The post ” هخلي شيرين تديكي بالجزمة ” .. فنانة مصرية شهيرة تكشف عن تعرضها لهجوم وانتقادات بسبب تعليقها على أزمة شيرين عبد الوهاب appeared first on تركيا اليوم.

Leave A Reply

Your email address will not be published.