” ما قادرة صدق، مش مستوعبة ” .. الموت يفجع الإعلامية فاتن موسى – جريدة نورت

16

نعت الإعلامية اللبنانية ” فاتن موسى ” في عدة منشورات لها عبر حسابها على تطبيق الصور والفيديوهات إنستجرام وفاة شقيقها ” علي موسى ” .

ونشرت في إحداهم صورة للفقيد، كتبت فاتن موسى في تعليقها عليها وإعلانها للخبر : ” خيي علي ما قادرة صدق ولا استوعب إنه صار في شريطة سودا على صورتك، ما قادرة صدق إنك متت .. يا الله يا علي يا حبيبي يقبروني عيونك .. ليه فليت بكير يا علي يا ضيعان شبابك يا خيي ” .

وتابعت : ” الله يلعن الغربة والظروف اللي فرقتنا وبعدتنا وخلت كل حدا فينا بمطرح وببلد .. يا ريتني متت بدالك وروحي طلعت بدل روحك يا عمري إنت .. مش مستوعبة إنه قول واكتب الله يرحمك، بس الله يرحم عيونك متل ما رفقاتنا عم بيقولوا ” .

وأضافت داعية لشقيقها : ” يقبروني عيونك يا خيي .. الله يرحم روحك وقلبك وشبابك يا حبيبي .. الله يعوضك بالجنة بدون عقاب ولا عذاب لأنك متت غريب وبعيد ووحيد عن أمك وبيك وبنتك وإخواتك يا روحي وكان إيمانك ويقينك بالله دايماً عميق ومتفائل ودايما تقول يقيني بالله إنه ما رح يخذلني ولا يتركني ” .

وقالت فاتن موسى : ” كنت عم بتحضر ترجع لإمك وبيّك وبنتك وأهلك وبلدك آخر الشهر وعندك أحلام كتير .. وامبارح حكيت مع منى وبنتك زينة وقلتلا جايي وبدي جبلك كادويات نجاحك بالبريفيه واحتفل بعيد ميلادك آخر الشهر وكنت مبسوط إنك سمعت صوتها ” .

وواصلت : ” الحياة ما عطتك فرصة حكيتن وتركتنا يا خيي كيف، كيف بعد ما حكيتن متت ليه ليه سامحني ما كنت حدك القدر كان ظالم معك وغدرك الله يلعن الغربة والبعد .. كان حلمك ترجع تشوف الماما والبابا وتأمن مستقبل بنتك زينة وتعيش بيناتنا .. يا حرقة قلبي عليك يا خيي يا روح الروح يا علي .. سامحني ما كنت حدك ” .

شاهد ايضا  ليست ميسم الربيعي.. كشف هوية الحسناء العراقية التي ظهرت بجانب راغب علامة وتغزلت به بجرأة! (فيديو)

وأكملت الإعلامية اللبنانية : ” الله يجعلك عريس بالجنة ويعوضك عن تعبك وصبرك وغربتك فيها مع النبي محمد وآل بيته والأنبياء والصالحين يا حبيب قلبي يا روح روحي .. يا أسفي عل شبابك يا روحي .. أنا كمان بعيدة وبعيش فاجعة موتك ورحيلك لوحدي يمكن هيك بحس شو كنت إنت حاسس يا خي روحي ” .

واختتمت فاتن موسى : ” الله يربط على قلوب الماما والبابا وبنتك .. عمري ما رح صدق إنك رحت يا خيي .. إنت عايش فيي وبقلبي يا علي .. آآآخ يا علي .. آآخ يا خيي .. أرجوكم الدعاء والصلوات والفاتحة ” .

The post ” ما قادرة صدق، مش مستوعبة ” .. الموت يفجع الإعلامية فاتن موسى – جريدة نورت appeared first on تركيا اليوم.

Leave A Reply

Your email address will not be published.